Amerískar súrmjólkurpönnukökur

Ekki hef ég nú verið dugleg að uppfæra hérna en þegar ég er beðin um sömu uppskriftina oftar en tvisvar í mánuði þá finnst mér ljómandi að bara skrifa hana upp hér og vísa í framvegis. Uppskriftin er úr bók sem heitir "Brunch á 100 vegu". Það má alveg blanda deginu öllu saman og láta standa í ísskáp. Nú eða einsog við erum margoft búin að gera. Blanda þurrefnunum og taka með í bústaðinn, blanda því blauta saman á staðnum og voila!

Allavega þá er þetta frábær pönnsuuppskrift þegar mar vill þessar þykku litlu ;)

magn dugir fyrir 6

300 g (5dl) hveiti
4 msk sykur
4 tsk lyftiduft
1 tsk salt
6 msk olía (ég nota Isio, hún er bragðlaus og fín)
2,5 dl súrmjólk (gräddfil ef mar er í Svíþjóð)
2,5 dl mjólk
2 egg

Blanda saman þurrefnum í skál. Blanda restinni sér og þeyta saman með gaffli. Blanda saman innihaldi beggja skála og hræra vel.

Ef maður er óvanur að steikja amerískar: mar setur cirka 3 litla klatta á pönnuna. Snýr þegar farið að myndast loftbólur. Meðalhiti; ef dökk er hitinn of hár, ef ljós hiti þarf að skerpa á.

(Ofnbakað) Eggaldin með mozzarella

Í hádegismat vil ég gjarnan geta fengið mér einhvað létt og gott. Sérstaklega ef ég er á leiðinni að fá mér pönnsur og rúllutertu í kaffinu einsog í dag ;)
Eggaldin hef ég átt dálítið erfitt með en er að ná tökum á þessu núna, þarf að salta vel, baka hægt og í dag prófaði ég að steikja OG baka í ofni. Þá fer tyggjóáferðin alveg í burtu. Skemmdi heldur ekkert fyrir að ég notaði búffelmozzarella (gerða úr búffalómjólk) ofaná... varla hægt að klikka með svoleiðis.

Eggaldin með mozzarella
(uppúr DN)
f 2

1 meðalstórt eggaldin, skorið í 1/2 cm þykkar sneiðar
1 egg, slegið
1-2 dl maísmjöl
1 tsk oregano
2 dl tómatar í dós
1 kúla mozzarella (búffel ef það er í boði)

Tek eggaldinsneiðarnar, salta aðeins og vendi uppúr egginu og vendi þvínæst uppúr maísmjölinu. Legg til hliðar og geri eins með allar. Hita olíu á pönnu og steikja 2-3 mín á hvorri hlið þartil gyllt á báðum hliðum. Oreganó stráð yfir. Raðað í form og tómötum (maukuðum) helllt yfir. Mozzarellaostinum dreift yfir. Bakað við 225 gráður í korter. Ég stráði svo smá Dúkkah yfir og bar fram með salati.

Súkkulaðibitakökur

Ég er búin að komast að því! Finna mitt "últimate" bestasta. Ég ætla ekki að þykjast búa til eigin uppskriftir en hinsvegar safna ég að mér uppskriftum, bókum, bæklingum, afrifum úr blöðum, bloggum... jah... hvar sem uppskrift er að finna. Tek með mér heim og reynslubaka eða elda. Og svo stundum nær maður að gera samanburð. Fann nýtt og skemmtilegt bökunarblogg hjá rithöfundi sem ég dáist mikið að, og að sjálfsögðu varð ég að prófa hennar chocolate chip cookies.
En því miður! Því miður stóðst það bara engan vegin þær súkkulaðibitakökur sem ég bakaði eftir uppskrift úr gömlu Laga Lätt blaði (nr10, 2010). Og að sjálfsögðu verð ég að skrásetja þetta hér. Ég held að sú staðreynd að í góðu uppskriftinni eru hnetur og haframjöl, smjörið er óbrætt og útkoman eru seigar og passlega sætar kökur geri það að verkum að þessar hafa vinningin frammyfir Lomelinokökurnar sem eru stökkar og með alveg geðsýkislega miklu súkkulaðibitum í. En hei, ef þér finnst það bestast þá er hlekkurinn hérna fyrir ofan ;)

Chocolate Chip Cookies / Súkkulaðibitakökur

100 g dökkt súkkulaði (70% cirka)
1 dl hakkaðar heslihnetur eða aðrar hnetur
2 dl farinsocker (púðusykur)
1,2 dl venjulegur sykur
150 g smjör, við stofuhnita
2 egg
3 dl hveiti
3 dl haframjöl
1/2 tsk bíkarbónat (natrón)
2 klípur salt

Hita ofn á 200gráður. Hakka súkkulaði og hnetur gróft. Þeyta saman sykur og smjör. Bæta eggjunum við og blanda vel saman. Blanda saman í sérskál hveiti, haframjöli, hnetum, salti og natróni. Hræra saman við eggjasmjörblöndunni. Bæta súkkulaðinu við.
Setja 30 litlar kúlur á 3 plötur og ýta kúlunum örlítið niður svo þær verði flatari (þær renna vel út í ofninum svo reyndu að hafa þær dáldið jafnar og gott bil á milli).
Baka eina plötu í einu í 12-15 mín.

Nautahakkssúpa með grænmeti

Þessi nautahakkssúpa er súpa sem er efst á súpulista barnanna. Í öðru sæti á eftir tómatsúpu sem þeir kalla "tómatSÓSU" og ég er ekkert að leiðrétta þann misskilning ;) Finnst ágætt að nota nautahakk í einhvað annað en hakk og spagettí... svona stundum...

Hakksúpa
fyrir 4

2 gulrætur
2 palsternackor (aflangar rófur)
og/eða kartöflur
1 laukur
2 hvítlauksrif
400 g nautahakk
2 msk olía
2 msk tómatpúré
1 dós tómatar
1 líter vatn
2 teningar kjötkraftur
2 tsk salt
pipar
hökkuð steinselja

Þykk jógúrt (grísk eða tyrknesk) að bera fram með

Afhýða grænmetið og skera í bita/sneiðar. Sama með laukinn og hvítlaukinn og skera smátt.
Taka fram pott, hita olíuna og steikja hakkið í smástund. Bæta svo við lauknum og eftir smástund líka grænmetinu. Steikja saman í nokkrar mínútur.
Bæta við tómatpúré, dósatómötum, kjötkrafti og vatni. Láta sjóða með lokinu á í nokkrar mínútur eða þartil grænmetisbitarnir eru mjúkir. Salta og pipra eftir smekk.
Skreyta með "dassi" af steinselju og bera fram með jógúrt.

Bananakaka með berjum og kremi

Bananakaka með berjum og kremi.

Uppskriftin er úr gömlu Gestgjafablaði sem ég var búin að líma inní uppskriftabókina mína ónýtt í mörg ár. Þartil um daginn þegar mig langaði að gera öðruvísi bananaköku en venjulega og loksins átti ég ber (enda er þetta bananakaka með berjum). Reyndar ekki bláber einsog uppskriftin segir til um heldur jarðaber en ekki varð hún síðri fyrir því. Berin verða að vera fersk.

90 g mjúkt smjör
170 g sykur
2 egg
2 vel þroskaðir bananar, stappaðir
2-3 dl bláber/skorin jarðaber
220 g hveiti
1 tsk matarsódi
1/4 tsk salt
50 g haframjöl
1 tsk vanilludropar

Hita ofn í 175 gráður og taka fram jólakökuform sem er fóðrað með smjörpappír.

Hræra vel saman smjöri og sykri, bæta eggjum við einu í einu og hræra vel á mili. Bæta svo við stöppuðu bönununum (flott orð!). Hella berjunum í sér-skál og púðra yfir þau 2-3 msk af hveiti svo þau þekjist örlítið. Þá maukast þau ekki jafn mikið í deiginu. Bæta svo öllum þurrefnum við. Ef þú ert að nota bláber skaltu núna bæta þeim varla við ásamt vanilludropunum. Hella svo deiginu í formið. Ef þú ert að nota jarðaber skaltu bæta vanilludropunum við og hræra en svo get ég mælt með að hella helmingi deigsins í formið og láta svo jarðaberin ofaná áður en þú hellir restinni af deiginu yfir.
Bakað í 50 mín. Kæla.

Ostakrem:
80 g mjúkt smjör, 80 g rjómaostur og 80 g flórsykri blandað vel saman ásamt 1 tsk rifnum sítrónuberki. Smurt yfir kalda kökuna.

Estagonkjúlli í ofni

Kært krydd hefur mörg nöfn... og það á vissulega við um Estragon sem einnig er kallað dragon og/eða tarragon. Held að þetta krydd þekkist kannski betur sem "bernaise-sósu-kryddið" ;)

Það er til bæði ferskt og þurrt og má nota hvoru tveggja í þessari uppskrift. Seinast gerði ég með fersku og núna er þurrkryddsósukjúllinn að malla í ofninum þannig að ég læt reyna á báðar gerðir.

Ekta góður rjómasósukjúlli !

Estragonkjúlli

1 kjúlli, bútaður niður eða bara kjúklingabringur

1 msk smjör

1-2 schalottlaukur, sneiddur fínt

5 dl vatn

1 kjúklingakraftsteningur (eða samsvarandi fljótandi)

2 dl rjómi að eigin vali (ég hef notað bæði hafrarjóma og þeytirjóma)

1 msk dijonsinnep

1 krukka estragon ferskt (fínhakkað) eða rúmlega 1 tsk þurrt

1,5 msk sítrónusafi

Hitaðu ofn að 250 gráðum ef þú ert með beinlausa kjúllabita, 220 ef leggi/bein

Byrjaðu á að steikja kjúllabitana uppúr smjörinu þartil hann nær smá lit á öllum hliðum. Skelltu svo lauknum útí og leyfðu að ná smá lit, cirka 1 min. Settu nú kjöt og lauk í ofnfast form. Ekki skola úr pönnunni heldur skelltu bara vatninu og kraftinum útí og leyfðu að sjóða aðeins upp. Síðan rjómanum og estragoninu. Ef þú ert að nota ferskt máttu byrja á að setja helmingin úti og notar hinn helmingin að dreifa yfir þegar komið er útúr ofninum. Þurrt krydd seturu bara allt í einu. Bætti líka við sítrónusafanum og sinnepinu. Leyfðu sósunni aðeins að ná upp suðunni og helltu svo herlegheitunum yfir steiktu kjúklingabitana í forminu. Inní ofn þartil fullsteikt. Beinlaust tekur það svona 10-15 mín en ég leyfi því að vera allt að hálftíma ef ég er með leggi eða stóra bringubita. Það sýður í rjómasósu svo það er ekkert rosa mikil hætta á að verða þurrt.

Borið fram með valfríu meðlæti. Hér á bæ þýðir það pasta fyrir börnin og soðið blómkál fyrir fullorðna fólkið (a'la LCHF/GI ;) )

Lax í saffransósu

Þessi laxaréttur er svo góður að ég verð barasta að íslenska hann svo hann fari nú ekki til spillist bara í svíana ;) Upprunalega uppskriftin er annars hér.

Tekur ekki nema 20 mínútur að skella þessu saman og báðir drengirnir mínir báðu um viðbót... það er alveg andvirði Michelinstjörnu á mínu heimili.

Lax í saffransósu

1-2 rauðar papríkur skornar í stærri bita

1 laukur skorin í báta

smá olía að steikja uppúr

1 umslag saffran (0,5 gr)

cirka 600 grömm lax, skorin í stóra teninga (garanterar stuttan eldunartíma)

salt og pipar

2 dl rjómi (ég notaði hafrarjóma)

1 tsk edik (ättika, 12%)

Byrjar á að steikja á pönnu papríku og lauk uppúr smá olíu, dreifir yfir saffraninu og steikir nokkrar mínútur í viðbót. Bætir við rjóma og ediki og setur laxinn ofaní. Sjóða í 5 mínútur og taka svo af hellunni, setja lokið á og leyfa að standa 5 mín í viðbót.

Bar þetta fram með soðnum kartöflum fyrir hina en sjálf borðaði ég þetta með soðnum aspas (=GI/LCHF).

Hafrakex

Jólabaksturinn hafinn enda er fyrsti í aðventu núna um helgina. Geymi það örlítið að baka haframjölsrúsínusmákökurnar en langaði að prófa að gera hafrakex. Hef aldrei gert kex enda er maður alltaf svo sólgin í smákökur að það er lítill tími afgangs fyrir "hollustuna". Það er minni sykur í kexi, það er stökkara og nýtist miklu betur en kökukynið því það er hægt að smyrja það með sultum, ostum osfrv. Ég fékk aðstoð við baksturinn hjá Hilmi sem gat bæði stungið út úr deiginu og svo "gafflað" hverja kexköku áður en platan fór í ofninn.

Hafrakex

(uppskrift úr "Adventsbak" eftir Linneu Seidel)

150 g smjör

2,5 dl mjólk

6 dl hafragrjón/mjöl (þetta sem fer í hafragrautinn!)

2 dl grahamsmjöl

1 tsk bakpulver (örlítið minna af lyftidufti)

0,5 tsk salt

2 msk sykur

Bræða smjörið í potti og bæta við mjólk, hita þartil næstum fer að sjóða og hella svo yfir haframjölið sem búið er að mæla í skál. Hrært og látið standa þartil kólnar. Verður eins og þykkur grautur.

Blanda saman restinni og bæta við. Hnoða þartil orðið að fallegu deigi. Flatt út og stungið út í þeirri stærð/lögun sem maður óskar eftir. Við notuðum frekar lítið mót því mér finnst gaman að geta boðið uppá munnsbitastærð. Röðuðum á plötu og stungum svo með gaffli 3x í hverja köku.

Bakað í 8 mín við 200 gráðu hita.

Rifsberjakaramellukaka

Lærði mjög mikilvæga lexíu í dag: rjómi úr þrýstihylkjabrúsa heldur ekki formi meira en 5 mín. Rétt náði að smella af áður en fór að leka niðureftir annari hliðinni... en gott var þetta nú engu síður ! Eiginlega lýgilega gott. Súr og frískleg rifsber með karamellu og rjóma á möndlumassabotni. Mmmm...

Rifsberjakaramellukaka

300 g möndlumassi, rifinn gróft á rifjárni

1 heilt egg

2 eggjahvítur

Öllu blandað vel saman þartil möndlumassinn er alveg blandaður saman við eggin. Sett í kökuform sem búið er að klæða að innan með bökunarpappír og bakað við 175 gráðu hita í 20-25 mín. Jafnvel lengur, ég bætti við nokkrum mínútum þartil botninn var farin að taka smá lit. Kælt.

Karamellukremið er: 1,5 dl þeytirjómi hitað í potti ásamt 0,5 dl sykur og 0,5 dl síróp (ljóst). Leyft að malla við meðalhita í 15 mín eða þartil farið að þykkna aðeins. Hrært af og til en fylgjast vel og vandlega með að ekki brenni. Leyft að kólna aðeins (og stífna enn meir) og síðan hellt yfir kaldan botninn.

Þeytirjómi stífþeyttur og sprautað á botninn (sjá mynd) og rifsberjaklösum raðað inní.

Samkvæmt beiðni: Guinnes (bjór) gúllas

Sönn ánægja að fá að skrásetja og birta eina af uppáhalds gúllas uppskriftunum mínum. Hægeldað kjöt er nú gott hverju sem það er eldað uppúr en að sjóða uppúr bjór (Guinnes helst) er tær snilld. Þessi uppskrift kemur frá BBC Good Food (http://www.bbcgoodfood.com/).

Bjór (Guinnes) gúllas

2 msk olía
1 kg gúllaskjöt (högrev í bitum eða annað nautakjöt)
1 laukur, skorin í stærri bita
10 gulrætur, afhýddar og skornar í stærri bita
2 msk hveiti
500 ml af Guinnes-bjór
1 kubbur af nautakrafti
örlítill sykur
3 lárviðarlauf
timjan, 1 tsk ef þurrkrydd en ef ferskt 1-2 stilkar

Ofninn hitaður að 160 gráðum. Olían hituð í potti og kjötið brúnað í heitri olíunni. Passa sig að setja ekki allt kjötið í einu ef maður er með marga bita og frekar lítinn pott því maður vill ná girnilegum steiktum bitum og ekki soðnum bitum eins og gerist ef það er þröngt í pottinum.
Kjötbitarnir teknir uppúr og lagðir til hliðar. Bæta við gulrótarbitum og lauk oní pottinn og leyfið að steikjast smástund. Dreifið yfir hveitinu og veltið aðeins grænmetinu í því. Hellið svo yfir bjórnum og myljið nautakraftsteninginn útí. Kryddið með salti, pipar, sykurklípu, lárviðarlaufunum og timjan. Látið suðuna koma upp og setjið svo lokið á pottinn og setjið inn í ofn (ef potturinn þolir ekki að fara í ofn þarf þá að hella gúllasinu yfir í einhvað annað ofnhelt form og setja lok eða álpappír yfir). Elda í 2,5 klst.

Þetta gúllas er engu síðra daginn eftir að það hefur verið eldað.
Ber fram með kartöflumús eða brauði.

GI - grænmetis"spagettí" með reyktum lax

Byrja á að biðjast afsökunar á mis-girninlegri mynd af réttinum. Ég var nefnilega byrjuð að borða (gúffa í mig) þegar ég áttaði mig allskyndilega á hversu hrikalega gott þetta væri og að ég bara YRÐI að blogga þessari uppskrift áfram með tilheyrandi mynd.
Svo úr varð.

Þetta er snilld. Þetta er kolvetnaminnsti pastaréttur í heimi. Pastað er nefnilega ekki pasta.. heldur strimlað zucchini. Jápp ! Hrátt og alles ! Og Ingó var búin að gleypa í sig hálfum réttinum áður en hann áttaði sig á því að "pastað" væri alls ekki pasta. Snilld.

Zucchinispagettí með reyktum lax

1 rauðlaukur, saxaður
1-2 msk smjör
2 dl rjómi (ef þú villt nota venjulegan er það í lagi, annars einhverskonar matreiðslurjóma.. ég nota hafrarjóma)
safinn úr 1/2 sítrónu
frystar grænar baunir, 1-2 dl eða meir eftir smekk, afþíddar eða snöggsoðnar
1 msk hakkað dill (ég sleppti því sársaukalaust)
150 g sykurbaunir (sockerärtor, þessar flötu), snöggsoðnar og skornar í þykka strimla
300-400 g reyktur lax, skorin í bita
1 grænt zucchini

Byrjar á að strimla zucchinin; tekur skrælara og skrælar fyrst græna hýðið utanaf og svo bara heldur maður áfram. Færð ofurmjóar og fínar ræmur útúr þessu sem líta út einsog tagliatellepasta. Skiptir ræmunum á milli tveggja diska.
Steikir laukinn uppúr smjörinu smástund og bætir svo við rjóma og sítrónusafa. Leyfir aðeins að sjóða saman. Bætir svo við grænu baununum og laxinum. Leyfir öllu að hitna saman. Dreifir svo laxasósunni yfir zucchiniræmurnar á diskunum og dreifir strimluðu sykurbaununum yfir. Smá pipar og örlítið af smátt rifnum sítrónuberki dreift yfir í lokin svona uppá lookið að gera ;)

p.s. það glittir í gulrótarbita á myndinni. Átti nefnilega bara frosnar baunir MEÐ gulrótarbitum í pokanum svo ég notaði það og það kom alls ekki að sök. Bara smá auka grænmeti ! :D

Þorskur með sítrónulinsum

Þessi uppskrift æpti á mig "prófaðu mig!" þegar ég las Dagens Nyheter í morgun. Og auðvitað hlýddi ég því ;) Og skráset hingað samviskusamlega (upprunalega uppskriftin á sænsku hér);

Þorskur með sítrónulinsum

Þorskur"hryggur"; magn eftir fjölda gesta. Eflaust hægt að nota venjuleg þorskflök líka en hryggurinn er þægilega jafn-stór. Keypti frystan og hann var mjög góður.

Þíðir bitana, ofninn á 150 gráður, saltar fiskinn og eldar í 15-20 mín. Kryddaðir eftirá með 1 tsk (gjarnan sterku) papríkudufti og pipar. Sáldra smá olíu yfir.

2 dl belúga linsur. Svartar og óhemju góðar. Soðnar í vatni (þrefalt meira magn en ef linsunum) með 2 teningum af grænmetiskrafti í 15 mín. Ekki fullsjóða því þær eru svo steiktar eftirá og eiga ekki að fara í mauk.

1 sítróna þvegin vandlega og skorin í sneiðar. Steiktar í potti ásamt soðnu linsunum og 1 msk af olíu.

Svo er gerð papríkusósa með;

1,5 dl grilluð papríka í krukku. Ef þú býrð ekki í Svíþjóð og getur nálgast niðursoðnar grillaðar papríkur þá má nota ferskar papríkur (rauðar), skornar í helminga og kjarninn tekinn úr, grillaðar með hýðið uppávið í ofni á 250 gráðu hita í 20 mín eða þartil farnar að verða svartar að ofan. Teknar út og settar í plastpoka sem er lokaður vandlega. Eftir smástund er hægt að draga hýðið af.

Papríkan er maukuð með töfrasprota ásamt safanum úr hálfri sítrónu, 1,5 dl sýrðum rjóma og smávegis af salti.

Mexíkönsk svartbaunasúpa

Hef í kvöld fundið uppáhalds súpuna mína. Við sleiktum pottinn og fórum strax að skipuleggja hvenær við gætum haft þessa súpu aftur í matinn. Algjört möst-try, holl og góð, sneisafull af bæði bragði og bætiefnum ;)



Mexíkönsk svartbaunasúpa
fyrir 4 (úr LagaLätt, sept 2010)


1 pakki beikon (cirka 200 grömm), skorið í bita
1 msk smjör
2 laukar, saxaðir
2 sellerístilkar, sneiddir fínt
3 gulrætur, skornar í fernt á lengdina og svo í þvert í litla bita
1/2 - 1 rautt chillí, fræin hreinsuð út og svo saxað
1 tsk cummin
3 dósir svartar baunir (eða samsvarandi magn af þurrum, lagðar í bleyti)
5 dl vatn
2 msk kjúklinga eða grænmetiskraftur
1,5 tsk hvítvínsedik
1 tsk púðursykur/dökkur muscavado... eða bara venjulegur sykur ef hitt er ekki til í skápnum hjá þér

Og til að setja ofaná hvern súpudisk þegar borið er fram;
- ferskir tómatar, skornir í litla bita
- ferskur kóríander, mikið af því... er svo gott
- niðursneiddur salatlaukur eða vorlaukur (má sleppa)

Best að byrja á að saxa grænmetið (laukinn, chillí, sellerí).

Svo steikir maður beikonbitana í djúpum súpupotti (ekki á pönnu). Bæti útí smá smjörklípu og leyfir að bráðna og helli öllu saxaða grænmetinu útí ásamt cummin. Leyfi að steikjast í nokkrar mínútur. Opnar baunadósirnar og skola baunirnar uppúr köldu vatni. Set í skál og mixa GRÓFT með töfrasprotanum (eða cirka 1/3 af heildarmagninu í matvinnsluvél) Bæti svo við vatninu og kraftinu.

Leyfi að sjóða í 10 mínútur þartil súpan er orðin þykk og fín. Smökkuð til með hvítvínsediki, sykri, salti og pipar.
Borin fram í skálum og ofanáleggið sett á hvern disk ... eða hverjum og einum leyft að raða ofaná það sem þeim finnst best.

Með þessu gerði ég ostatortillur; rifinn ostur (1 poki), 1-2 dl gulur maís úr dós og smávegis ferskur kóríander. Öllu blandað saman og væn handfylli sett ofaná eina tortillu. Önnur tortilla sett ofaná og þrýst vel saman svo úr verði samloka. Penslað með smá olíu og steikt á pönnu þartil ein hliðin hefur tekið lit. Snúið og steikt á hinni hliðinni. Skorið í fernt og borið fram með súpunni.

Fiskur með appelsínutómatsósu

Einhvernvegin finnst mér ekki fiskur og appelsína passa saman... fyrr en ég smakkaði það ! Ótrúlega ferskt og skemmtileg tilbreyting á "fiskur með tómatsósu" sem öll börn lifa á. Hilmi fannst þetta meira að segja gott og át upp til agna (með smá alvöru tómatsósu líka). Sem meðlæti var ofnbakað butternut squash (svona aflangt grasker) með dilli. Smaskens ;)

Fiskur með appelsínutómatsósu
(úr LagaLätt, sept '10)

Þorskbitar, notaði frosna sem ég afþíddi og raðaði í ofnfast mót, salta og pipra

4 skalottlaukar, skornir á einn veginn svo myndi hringi
2 appelsínur, afhýddar og filéaðar (skera út bátana án himnunnar), bitanir svo helmingaðir
2 msk nýrifinn engifer
1-2 hvítlauksrif, kramin
1 dós saxaðir tómatar

Hita olíu í potti og steikja skalottlaukinn smástund. Bæta við engifer og hvítlauk og láta malla smástund. Hella svo tómatadósinni útí. Raða appelsínubitunum ofaná fiskinn og hella úr pottinum yfir. Ofnbaka í 15 mín við 225 gráður.

Áður en maður leggur í að gera fiskinn getur maður nýtt tímann með því að afhýða graskerið og skera niður í mjóa báta. Hella smá olíu yfir, salta og pipra og skella inní ofn. Það verður mjúkt á cirka 20 mín. Mixa með töfrasprota, bæta við dilli (2 msk saxað) og 1-2 dl sýrðum rjóma eða þykkri jógúrt.

Sítrónukjúklingur með marokóskum gulrótum

Þessa uppskrift reif ég samviskusamlega úr DN í gærmorgun og prófaði svo í kvöld. Dýrðlegt ! Reyndar fannst mér sjálf uppskriftin frekar flókin í framkvæmd svo ég ákvað strax að staðfæra með betri útskýringum.. og það að sjálfsögðu á íslensku ;)

Sítrónukjúklingur með marokóskum gulrótum

Kjúklingabringur (2 hér, gætu verið fleiri) látnar marínerast í kryddlegi yfir nótt eða lágmark 10 mínútur.

Kryddlögur;

1 sítróna, byrja á að fínrifa börkinn utanaf henni og geyma, safinn kreistur úr og settur í skál

3 msk olía

1 msk sambal oelek

1 msk hunang

1 msk sojasósa

Gulrótarsalat;

4-6 gulrætur (fer eftir fjölda þess sem borða) skornar í cirka 1 cm stóra bita, gjarnan örlítið á ská

Steiktar á meðalheitri pönnu uppúr 2 msk olíu, þegar fer að taka smá lit eða mýkjast bæta útá kryddum;

1 tsk kummin

1-2 msk fersk rifin engifer

smá salt

1 rautt chillí, fínsaxað (sleppti þessu því sonurinn átti að borða líka)

1 msk fljótandi hunang, drussað yfir að lokum. Pönnulokið sett á og hitinn lækkaður niður í algjört lágmark eða jafnvel slökkt og gulræturnar látnar mýkjast... cirka 10 mín.

Svo eru gulræturnar lagðar uppá fat (eða á disk hvers og eins) og eftirfarandi sáldrað yfir;

geitarost (cirka 100 gr samtals)

ristuð sólkjarnafræ eða graskersfræ (lúkufylli)

þurrkuð trönuber (1/2 dl samtals)

Kóríanderdressing;

1 krukka ferskur kóríander (lúkufylli)

safinn af 1/2 lime

2 msk olía

salt

Allt mixað saman með töfrasprota.

Nú er kjúllinn tekinn úr maríneringunni og steiktur á pönnu þartil tekur lit. Hitaður í ofni (200 gráðu heitum) í 20 mín eða meir þartil fulleldaður. Tekin út og rifna sítrónuberkinum sáldrað yfir ásamt örlitlu þurrkuðu oregano.

Kóreanderdressingin er borin fram með og sáldrað yfir kjúklinginn og gulræturnar þegar allt er komið á disk.

Rauðbeðusúpa að mínum hætti

Í gær hafði ég einsett mér að búa til rauðbeðusúpu og fór þess vegna í uppskriftaleit. Skoðaði bæði bækurnar mínar (nokkrir hillumetrar fullir af viðeigandi bókum) og á netinu. Lokaniðurstaðan var sú að ég átti ekki allt sem uppskriftarhöfundar vildu meina að ætti að vera í rauðbeðusúpu þannig að ég varð að taka málið í eigin hendur og semja einhvað á staðnum.
Auðvitað varð þetta einhver sú besta rauðbeðusúpa sem ég hef eldað og borðað ;) ! Finnst það líka mark um góða súpu ef 5 ára sonurinn sleikir skálina sína....

Rauðbeðusúpa

4-5 ferskar rauðbeður skrældar og skornar í bita (því minni bitar, þeim mun minni suðutími)
3 gulrætur skrældar og skornar í bita

2 skalottlaukar
1 feitt hvítlauksrif

Sneiddi báða laukana þunnt og léttsteikti uppúr vænni smörklípu þartil urðu glærir. Setti svo rauðbeðu og gulrótarbitana útí og vellti uppúr smjöraða lauknum. Hellti svo soðnu vatni yfir allt þartil rétt þakti grænmetisbitana og svo cirka matskeið af lantbuljong (ferlega góður grænmetiskraftur). Leyfði þessu öllu að sjóða í 30-40 mínútur eða þartil mér fannst rauðbeðurnar orðnar mjúkar. Stakk svo töfrasprotanum oní og blitzaði allt þartil orðið að mauki. Maukið var frekar þykkt svo ég þynnti með meira soðnu vatni. Setti 2 tsk af rauðvínsedik útí og saltaði svo.
Þetta bar ég fram með timjankvistum í diskunum og fetaostahræru (hálft stykki stappaður fetaostur + 1 dl sýrður rjómi).

Fitulaus, sykurlaus "súkkulaðiís"

Þessa uppskrift sá ég í einhverju konublaði þarsem verið var að kynna enn einn megrunarkúrinn. En einhvað heillaði mig og ég barasta varð að prófa. Og alveg get ég lifað á þessu sem sjónvarpsnammi í staðinn fyrir alvöru rjómaís ! ... allavega svona af og til ;)

2 - 3 bananar, skornir í sneiðar og frystir
kakó í frjálsu magni
örlítil sletta af tyrkneskri jógúrt, ab-mjólk eða skyri

Mixar öllu saman með töfrasprota eða í matvinnsluvél. Maður þarf að prófa sig áfram með magni af kakói.. fer eftir því hversu dökkan ís óskað er eftir. Borða eins og skot !

Áhugaverðir hlekkir

Er komin í einhvað furðulegt matarskap sem hefur áhrif á mig á þann veginn að núna er ég orðin súrdeigsforeldri (lagði í súrdeig sem fékk að standa í 4 daga og ætla að gera fyrsta brauðið úr í kvöld... svo set ég afgangin af súrdeigsgrunninum í glerkrús í ísskápinn og "mata" einusinni í viku) ! Þannig að baksturs, brauð og kökuuppskriftir eiga hug minn og hjarta allt þessa dagana. Hef rekist á svo mörg skemmtileg blogg sem fjalla um þetta og annað sem kveikir líf í sálu mér og bestust eru eftirfarandi;

http://miaohrn.wordpress.com

og svo beint á uppskriftirnar hennar; http://miaohrn.wordpress.com/recept/

http://www.paindemartin.blogspot.com/

http://mollyshalsoblogg.blogspot.com/

http://nasselblomchoklad.blogspot.com/

SúkkulaðikakAN

Þessa súkkulaðikökuuppskrift á ég eftir að gera aftur.. og aftur... alveg ferlega góð og pottþétt hægt að nota öðruvísi frosna eða ferska ávexti á milli, öðruvísi krem ofaná.. jah... nánast hvað sem er. Passlega þétt, passlega einföld og passlega óholl því það er ekkert smjör í henni og fullt af bönunum !

Súkkulaðikökubotn

(úr LagaLätt, apríl 2010)

4 meðalstórir bananar (300 g án hýðis)
3 egg
2,5 dl sykur
1,5 dl rapsolía (eða hvaða bragðlitla olía sem er.. einsog t.d. Isio!)
100 g dökkt 70% súkkulaði
2,5 dl hveiti
0,5 dl kakó
2 tsk vanillusykur
1,5 tsk bakpulver (eða aðeins minna af lyftidufti)
ponsuklípa af salti

Hita ofninn á 175 gráður. Stappa bananana vandlega, t.d. með kartöflustappara og þeyta saman með sykrinum og eggjunum. Hita olíuna varlega í potti og skella súkkulaðinu útí og leyfa því að bráðna saman við olíuna. Passa að það hitni ekki of mikið ! Ég tók pottinn af hellunni um leið og ég bætti súkkulaðinu við.
Blanda öllum þurrefnunum saman í skál. Hella súkkulaðiolíunni ofan í hrærivélaskálina hjá bananaeggjablöndunni. Setja svo þurrefnin saman við og hræra (venda!) varlega með sleif. Smyrja hringlaga form og hella deiginu útí. Baka í miðjum ofni cirka 35 min. Leyfa að kólna og skera botninn í tvennt svo úr verði pláss fyrir kremið í miðjunni ;)

Krem í miðjuna;
250 g rjómaostur (Philadelfia)
fínrifinn börkur af hálfri sítrónu
100 g frosin ber (ég notaði hallon)
1 dl flórsykur
Allt blandað saman í hrærivél.

Ég setti svo kakósmjörkrem ofaná en í upprunalegu uppskriftinni var marsípan"þak" sem ég væri til í að prófa næst.

Bökuð ostakaka

Grunnuppskriftir eru svo mikil snilld. Endalaust hægt að varíera útkomunni. Fer þá bara eftir því hvaða þurrkaða ávexti maður á til í skápunum hjá sér.
Bjó þessa til um helgina og við fjögur fullorðin náðum að slátra heillri sem eftirrétt þrátt fyrir að hafa étið á okkur hálfgert gat af aðalréttinum. Svo mikil var græðgin og það góð var hún. Ég kynni til sögunnar;

Bökuð ostakaka - grunnuppskrift

50 g smjör
150 g digestive kex

Smjörið brætt og kexið mulið í agnir. Smjörinu hellt útá mylsnurnar og blandað vel saman. Sett í botninn á smjörpappírsklæddu smelluformi og þrýst vel út.

350 g rjómaostur (Philadelphia), hrært þartil mjúkt
150 g sykur
4 egg
1 sítróna, bæði safinn innanúr og fínrifinn börkurinn utanaf
2 tsk vanilludropar
handfylli af þurrkuðum ávöxtum/berjum að eigin vali. Ég notaði í þessu tilfelli trönuber.

3 dl sýrður rjómi (ég notaði 34% feitan)

Öllu nema sýrða rjómanum og þurrkuðu ávöxtunum hellt í skál og blandað vel saman. Hellt ofaná kexbotninn, þetta þurrkaða að eigin vali dreift ofaná, og bakað í 180 gráðu heitum ofni í 30 mín. Taka út og leyfa að standa í 10 mín (heldur áfram að bakast þó það sé tekið út). Sýrði rjóminn svo smurður ofaná og skellt aftur inní ofn í 10 mín í viðbót. Látið kólna vel og geymt í ísskáp þartil bera á fram.